مجلة عالم حواء

 اسهل طريقة لعمل طاجن فريك بالبشاميل

 اسهل طريقة لعمل طاجن فريك بالبشاميل وطرقة عمل كفتة الحاتى وطريقةعمل الحواوشى الاسكندرانى 

اليوم نقدم لكم 

1.  طريقة لعمل طاجن فريك بالبشاميل
2.  طريقة عمل كفتة الحاتى
3.  طريقة عمل الحواوشى الاسكندرانى

تابعو معنا كل طبخه بالمقادير والطريقه

اولا طريقة لعمل طاجن فريك بالبشامل

المقادير

1. نص كيلو فريك (الضحي)مغسول ومنقوع نص ساعه
2. كيلو اوراك فراخ مخليه من العضم والجلد ومتقطعه مكعبات
3. بصله كبيره مفرومه
4. ٢طماطم مبشوره
5. واحد فلفل حامي مفروم
6. ملح وفلفل
7. بهارات فراخ
8. معلقه صغيره كبابه صيني
9. معلقه كبيره سمنه
10. ٣كوب شوربه
11. للبشاميل
12. ٣كوب حليب
13. ٣معالق دقيق
14. ٣معالق زبده
15. مكعب مرقه
16. كوب كريمه

الطريقة

في حله عالنار هانحط معلقة سمنه تسخن جدا نضيف الفراخ ونشوحها كويس جدا

نضيف عليها الفلفل والبهارات ولما تنشف خالص نضيف البصل ونشوحه كويس مع الفراخ

وبعدين نضيف الطماطم والملح والفلفل ونسيبهم عالنار ٥دقايق

نضيف الشوربه ونغطي عالفريك حتي تمام النضج

في هذه الاثناء نقوم بعمل البشاميل

نضيف الدقيق والزبده في حله عالنار ونقلبهم كويس وبعدين نضيف الحليب تدريجيا حتي القوام المطلوب نضيف ملح وفلفل ومكعب مرقه

ونص كوب كريمه

في طاجن نحط فيه الفريك بالفراخ ونصب عليه البشاميل ونوزع عالوش باقي الكريمه ويدخل فرن حار حتي يأخد اللون الدهبي

طرقة عمل كفتة الحاتى

ثانيا طريقة عمل كفتة الحاتى

المقادير

كيلو لحمة مفرومة فيها نسبة 25%دهن 

بصلة كبيرة مبشورة  

معلقة صغيرة ونصف ملح

معلقة صغير فلفل أسود

معلقة صغيرة ممسوحة من البيكنج صودا أو/ معلقة كبيرة من البيكنج بودر . (دى يتخلى الكفتة هشة ومش مكتومة وناشفة)

نصف معلقة صغيرة بهارات لحمة  .

رشة صغيرة من جوزة الطيب (حسب الرغبة).

بقدونس مفروم .

الطريقة

هنصفى البصل المبشور من المياة وناخد تفل البصل نحطه على اللحمة المفرومة مع كل التوابل دى ونحطه فى الكبة  لحد ما اللحمة تبقى ناعمة خالص 

ناخد مية البصل ونحط عليها معلقة صغيرة صلصة جاهزة وشوية صغيرين زيت ورشة من الملح والفلفل الاسود

بعد كده هنصبع الكفتة ونحطها فى الناتجة من ساعة لساعتين  تتشمع 

وبعدين نطلعها من التلاجة ونجيب مية البصل اللى حضرناها وبالفرشاة نحط على الكفتة 

التسوية،،

1- ندخل الكفتة فرن ساخن مسبقا على درجة حرارة 200 على الرف الأسفل لمدة من 30دقيقةل45 دقيقة وتوابعها لحد ما تاخد اللون المطلوب ونطلعها وعلشان  تاخد طعم ورائحة الشوى هنسخن حتة فحم واول ما تطلع الكفتة هحطها فى نص صينية الكفتة فى ورق فويل الفحم السمن واحد على الفحم زيت واغطى الصينية كويس لمدة 5 دقائق

2-أو نشوى الكفتة على الفحم لو متاح عندكوا انا استخدمت الطريقة الأولى فى التسوية وبألف هنا وشفا

طريقة عمل الحواوشى الاسكندرانى

طريقةعمل الحواوشى الاسكندرانى 

العجينة :

كيلو دقيق -علبتين زبادى -٣معالق لبن بودرة -كوب الا ربع زيت --كيس خميرة -معلقة كبيرة بيكنج بودر -رشة ملح -٣معالق سكر -معلقة خل- بيضة- للعجن حاحتاج حوالى كوبين سائل أو أقل (على حسب نوع الدقيق )...أنا استعملت كوب لبن ونصف كوب ماية (طبعا دافييين)

الطريقة :

*بناخد الاول الخميرة والسكر وكوب دقيق(من الكيلو ) وكوب لبن  ونقلبهم كويس ونركنهم شوية على مالخميرة تتفاعل(خطوة تربية الخميرة)

*فى وعاء العجن نضع الدقيق والملح واللبن البودرة والبيكنج بودر ونقلب كويس ....وبعدين نضيف الزيت  والزبادى وناخد بياض البيضة (ونسيب الصفار علشان ندهن بيه (وش)الحواوشى )

*ونضيف مخلوط الخميرة اللى اتخمر ونقلب كويس ونضيف ماء دافئ بالتدريج ونعجن كويس  (المية شوية شوية ممكن يكون كوب أو نصف  على حسب نوع الدقيق )لغاية مايتكون عندى عجينة ملساء لا تلتصق بالوعاء

*نترك العجينة  تخمر على مانحضر الحشو 

الحشو :

عبارة عن سلامى أو  لحمة مفرومة معصجة (بحب تكون مستوية أفضل) وفلفل ألوان مقطع قطع صغيرة وزيتون مخلى وجبنة موتزاريلا

*باعمل خلطة عبارة عن ...تلات معالق صلصة طماطم -معلقتين كاتشاب -ومعلقة صغيرة توم بودر-ونصف معلقة زعتر 

*بتكون العجينة ارتاحت وخمرت  بقسمها العدد اللى انا عيزاه والحجم اللى افضله (المقدار ده بيعمل معايا ٧حجم كبير)

*بفرد العحينة على قليل من الدقيق على شكل دايرة واضع عليها خلطة  الطماطم (وابعد عن الاطراف)...وبعدين احط اللحمة المفرومة المعصجة وفوقها الجبنة وفوقها الفلفل الالوان والزيتون المشرح ده على نصف الدايرة فقط... ثم ارفع نصف الدايرة الفاضي واقفل على النصف الذى عليه الحشوة واقفل الاطراف كويس  واخرم بشوكة الوجه العلوى للحوواوشى 

* واضعه فى صينية مدهونة زيت وادهن وشه( بصفار البيضة اللى كان عندنا واضيفله معلقتين لبن وقليل من النسكافيه)

*وادخله الفرن على ٢١٠على الشبكة والاحظه كويس بياخد حوالى ربع ساعة واول مايستوى اخرجه على فوطة نظيفة واغطيه علشان ماينشفش ..

.اتمنى يعجبكم

مجلة عالم حواء تتمنى تكون وصفاتنا سهله اى استفسار اترك تعليق

  

شكرا لك .. الى اللقاء 

*

*